صحيح انها زلة لسان..ولكنها اثرت بي

السلام عليكم ورحمة الله وبركاته..

كنت جالس مره مع اقارب لي..وكنا نسولف ونضحك..ونمزح على بعض عادي..

وتكلموا على موضوع يخصني..واحد منهم قعد يتكلم ويمثل ويبالغ فقط للوناسة والضحك..وما كان فيها أي شئ

وكنت أنا أكثر واحد أضحك..لكن مع مجموعة الكلام اللي قاله..قال كلمه صغيره بسيطه أثرت بي وجرحتني..

وحتى المجموعة كلها انتبهوا وقاموا يطالعون في..بيشوفون ردة فعلي..لكن كملت ضحك مجاملة وانا من الداخل متحطم ومصدوم..خاصة إنه قريب لي وقالها عاد كيف الغريب..

وانا مشكلتي حساس..اقدر اقول فقط زلة لسان..واريح بالي ..لكن أقول في نفسي محد تخرج منه كلمه إلا وبداخله هو يقصدها وإلا مازل لسانه فيها..ولا فكر فيها..

أياً كان اللي يزيد جراحي انا عارف إن كل اللي حولي..يفكرون نفس تفكيره ؟؟

بعطيكم مثال مشابه وقريب للي بحالتي..
مثلا شاب في مقتبل العمر..يدرس في الجامعة..أراد الزواج..ورضوا الوالدين..خطب وسارت أموره بيسر وسهولة..والمجتمع الذي هو فيه يراه أنه ( ورع توه ع الزواج )..لكن محد راح يقولها في وجهه..لأن أموره ماشية..لكن هو يعرف ان هذا تفكيرهم من خلال كلامهم وزلات لسانهم..

وطبعا كيف هو يقدم على فعل أمر..ويحتاج ناس تفرح معه وبقلوب نظيفة..وماعنده غير ناس تجامل فقط وإذا نظرت لهم تسمع من أعينهم وقلوبهم غير اللي يظهرونه لك..؟؟

ماعليكم باللي صاير معي..

سؤالي..هل زلة اللسان تبين لك مافي باطن الشخص فعلاً ؟ يعني حتى وإن اعتذر لك..تحزن لأنك عرفت تفكيره الباطني..أم تكون مجرد فعلا كلمة زل لسانه بها ولم يقصدها ؟؟
كيف تتعامل مع الناس مع ظاهرها ؟؟ ولا ماتحسه في باطنه ونظراته ؟؟

وشكرا

» كلمات عجيبة ولكنها جميلة
» صحيح البخاري
» خطوات المساعدة في كشف صحيح